हासौँ है त ...

१. हातमा माला लिएर अप्रेशन थिएटरमा प्रबेश गरेको डाक्टरलाई देखेर बिरामीले सोध्यो-

"डक्टरसाब यो माला कस्को लागि?"

" भाई यो मेरो पहिलो अप्रेशन हो, सफल भयो भने मेरो लागि, असफल भए तिम्रो लागि।"
- डाक्टर मुस्कुराउदै बोल्यो।

२ . "हेल्लो को बोलेको?"- बुढाले फोन उठाउँदै सोधे।

"म तपाईंको छोराको पल्टनबाट बोलेको, तपाईंको छोराको मृत्‍यु भयो।" -उताबाट आवाज आयो।

"कहिले?....... कसरी?"  - बुढा मान्छेले हड्बडाउँदै सोधे।

"निधारमा गोली लागेर मृत्‍यु भयो "- उताबाट आवाज आयो।

"धन्न भगवान तै आँखा त जोगिएछ छोराको"  - बुढाले खुशी ब्यक्त गर्दै फोन राखे।

३. चंखे र शंखेको धेरै बर्ष पछी भेट भएको थियो आज। त्यसैले एक अर्काको बारेमा सोध्दै थिए। 

 कुराकानीको क्रममा थाहा लाग्यो उनिहरु दुबै जनाले बिहे गरी सकेछन्।

चंखे:  "तेरो श्रीमती कस्ती छिन्?"

शंखे:  "के भन्नु यार उनी त स्वर्गकी अप्सरा हुन्। अनी तेरो श्रीमती नि?

चंखे:  ( दुखी हुँदै ) "यार तँ जस्तो भाग्यमानी कहाँ हुनु,  मेरी त अझै जिउँदै छे।"

४ . एक महिला प्रहरी चौकीमा उजुरी लेखाउंदै-

महिला: "ईन्स्पेक्टर सा'ब मेरो श्रीमान तीन दिन अघी काउली किन्न बजार जानु भएको

 अहिले सम्म घर फर्कनु भएको छैन, म के गरुँ।"

ईन्स्पेक्टर: "जानोस् अरु नै तरकारी पकाएर खानोस्।"

Share

Tweet